Nos Lo Studia e Buki Felicidad den Famia

Lo bo ta contentu pa sa cu cuminsando cu e siman di 6 di october, 1997, nos lo considerá e buki E Secreto pa Felicidad den Famia na e Studio di Buki di Congregacion. Ningun hende lo kier perde e studio den grupo dje guia bíblico práctico aki pa un bida di famia felis. E programa di studio lo duna chens pa haci un examinacion cabal di tur paragraf i texto di Bijbel den e buki.

Lo considerá e promé capítulo completo e promé siman dje studio, como cu e ta contené masha poco texto bíblico no-citá. Pa e mésun motibu, lo considerá capítulo 15 den un solo sesion. Sin embargo, lo parti tur e otro capítulonan den dos parti, considerando mas o ménos mitar dje capítulo cada siman. Pues, lo tin suficiente tempu pa lesa i considerá tur texto bíblico mencioná pero no-citá i tambe pa examiná cuidadosamente con ta aplicá tur e textonan bíblico citá den cada paragraf.

Un rasgo importante dje studio lo ta un consideracion dje material den e cuadro di siñansa na final di cada capítulo. P’esei, mester laga bastante tempu pa considerá e preguntanan i e textonan mencioná den e cuadro.

Nos ta insta conductornan di Studio di Buki di Congregacion pa presta atencion special na nan preparacion p’e studio i pa animá tur esnan asigná na nan grupo, incluyendo esnan nobo, pa prepará bon, asistí regularmente, i participá.—om-PA 74-6.