“Tur Hende Lo Stima Otro un Dia?”
1 Un mensahe bunita, emocionante i conmovedor lo ser proclamá mundialmente den 169 idioma. Kico e mensahe aki ta? I con lo hib’é?
2 E mensahe ta tocante amor pa próhimo. Ta hañ’é den Noticia di Reino Num. 35, titulá “Tur Hende Lo Stima Otro un Dia?” E Noticia di Reino aki ta examiná en corto e estado actual di asuntunan rond mundu, mustrando cu e motibu fundamental di asina tantu pena i dolor ta e falta di amor entre hende. E ta splica pakico, particularmente den nos tempu, amor pa próhimo a fria i kico esaki ta nificá pa e futuro.
3 Na mes momento, Noticia di Reino Num. 35 ta mustra cu berdadero amor pa próhimo ta existí entre miyones di hende bibando den e mundu djawe. E ta identificá esnan cu ta teniendo parti den e rebibamentu dje cristianismo original—e adoracion di promé siglo, cu a ser caracterisá pa e amor pa próhimo cu Jesucristo a siña.—Luc. 10:25-37.
4 Noticia di Reino Num. 35 ta concluí cu un splicacion dje manera con pronto, bou dje administracion dje Reino di Dios mediante Cristo, henter e mundu di humanidad lo practicá amor pa próhimo. Esnan cu lesa e mensahe aki ta ser animá pa obtené e foyeto Kico Dios Ta Rekerí di Nos? i siña con pa bira parti dje amoroso areglo mundial aki cu ta ser describí detayadamente den e Palabra di Dios.
5 Ken Lo Hiba e Mensahe Aki? Testigonan di Jehova rond parti mundu lo compartí e mensahe aki di amor pa próhimo cu nan conocí, bisiña i famianan durante e lunanan di october i november. Ta animá tur persona cu ta cualificá, pa participá den e distribucion público di Noticia di Reino Num. 35.
6 E meta fundamental dje campaña aki ta pa stimulá hende su interes pa haña un studio di Bijbel sea for dje foyeto Rekerí of e buki Conocimentu. Ademas, un esfuerso sincero di parti di cada sirbidó di Jehova lo producí un magnífico testimonio pa e Dios di amor, Jehova, i pa su Yu, Jesucristo.