Recordatorionan pa Memorial

E celebracion di Memorial ta cai riba diasabra, 11 di april. E ancianonan mester duna atencion n’e siguiente asuntunan:

◼ Na momento di fiha e ora pa e reunion, haci sigur cu e emblemanan lo no ser pasá sino te despues cu solo baha.

◼ Tur hende, incluso e orador, mester ser informá dje ora i lugá exacto di e celebracion.

◼ Mester obtené i prepará e tipo corecto di pan i biña.—Mira La Atalaya di 15 di februari, 1985, página 19.

◼ Di antemano mester trece na e salon un mesa apropiado cu paña di mesa, tayó i glasnan i mester pone nan na nan lugá.

◼ For di trempan mester limpia e Salon di Reino of otro lugá di reunion cabalmente.

◼ Di antemano mester scoge ushernan i esnan cu ta pasa cu e emblemanan i instruí nan tocante e procedura corecto i nan tareanan.

◼ Mester haci areglo pa sirbi e emblemanan na cualkier un di e ungínan cu ta enfermo i no por ta presente.

◼ Ora a programá pa mas cu un congregacion usa e mésun Salon di Reino, mester tin bon coordinacion entre e congregacionnan pa asina evitá congestion innecesario den lobi, entrada, riba acera público i lugá di stacioná auto.