Caha Di Pregunta

◼ Kico nos por haci pa yuda nos reunionnan ser mas eficas?

Algun ruman lo por pensa cu ta solamente anciano i sirbidó ministerial ta responsabel pa e éxito di reunionnan di congregacion debí cu ta nan ta dirigí i ta na encargo di mayoria parti. Eigenlijk, nos tur por contribuí personalmente pa haci nos reunionnan interesante i beneficioso. Nos por yuda haci e reunionnan mas eficas den e siguiente dies maneranan:

Prepará di antemano. Ora nos prepará bon, e reunionnan ta capta nos interes. Ora nos tur haci esaki, e reunionnan ta mas animá i mas edificante. Asistí regularmente. Un asistencia grandi ta mas animante pa tur presente, i ta fortalecé e aprecio p’e importancia di asistí. Yega na tempu. Si nos ta sintá promé cu e programa cuminsá, nos por uni den e cantica i oracion di apertura i asina ricibí pleno beneficio for dje reunion. Bini bon ekipá. Dor di bini cu nos Bijbel i e publicacion(nan) cu lo usa durante e reunion, nos por sigui e orador i capta mihó loke ta ser considerá. Evitá distraicionnan. Kisas nos ta scucha mihó ora nos sinta dilanti. Fluistermentu i bishitanan frecuente pa baño por pone nos i otronan perde concentracion. Sea un participante. Miéntras mas di nos hisa man i comentá, mas ruman ta ser animá i edificá dor dje expresionnan di fe. Duna comentarionan breve. Esaki ta duna mas tantu ruman posibel un oportunidad di participá. Nos mester limitá nos comentarionan breve n’e material cu ta ser studiá. Cumpli cu asignacionnan. Como studiante den e Scol di Ministerio Teocrático of participante den e Reunion di Sirbishi, prepará bon, ensayá di antemano i trata di no cancelá bo parti. Encomendá participantenan. Bisa otronan cuantu bo ta apreciá nan esfuerso. Esaki ta edificá nan i ta motivá nan pa haci asta mihó den futuro. Un animá otro. Saludonan amabel i combersacionnan edificante promé i despues di reunion ta aumentá e placer i beneficionan cu nos ta saca dor di asistí n’e reunionnan.