Superintendentenan Ta Hiba Delantera—E Superintendente di Sirbishi
1 E superintendente di sirbishi ta profundamente interesá den tur loke tin di haber cu e progreso dje trabou di evangelisá den e congregacion su teritorio asigná. Pues, e ta hunga un papel vital den yuda nos cumpli cu nos responsabilidad pa predicá e bon nobo. Como un evangelisadó celoso, e ta hiba delantera den organisá tur asuntu relacioná cu sirbishi di veld. Como un maestro capas, e ta yuda publicadónan individual mehorá nan eficacia den e ministerio.—Efe. 4:11, 12.
2 E anciano aki ta supervisá directamente e trabou dje sirbidónan ministerial asigná pa atendé cu literatura, revista i teritorio. E ta responsabel pa haci sigur cu tur luna tin un suministro amplio di literatura, revista i formulario pa usa. Un bes pa aña e ta repasá e ‘file’ di teritorio p’e haña tur adres di cas caminda nan a avisá nos pa no pasa mas, i e ta asigná ruman hombernan cualificá pa bishitá e casnan aki.
3 E superintendente di sirbishi ta responsabel pa supervisá e vários formanan di predicá, incluyendo negoshi, riba caya i dunamentu di testimonio via telefon. E ta atento pa organisá areglonan práctico pa reuní pa sirbishi durante siman, incluyendo dianan di fiesta. E ta mustra interes genuino den e actividad di studio di Bijbel. E ta busca maneranan pa duna yudansa spiritual na esnan cu ta bira iregular of inactivo den e ministerio. E ta activamente interesá den e trabou dje pioneronan, i e ta supervisá e programa di Pioneronan Ta Yuda Otro Publicadónan.
4 Como miembro dje Comité di Sirbishi di Congregacion, e superintendente di sirbishi ta proponé cualkier ahuste necesario den e gruponan di Studio di Buki di Congregacion. Ora e bishitá bo grupo, haci sigur pa bo t’ei i participá cuné den sirbishi di veld.
5 Tur ruman den e congregacion mester cooperá di buena gana cu e guia cu e superintendente di sirbishi ta duna. Esaki lo yuda nos aumentá nos eficacia den e trabou di haci disipel i haña mas goso den nos ministerio.