Sigui “Haci Loke Ta Excelente”
1 Bo a haci algu excelente ora bo a bira un sirbidó di Jehova Dios. Sin embargo, awor den e tempu crítico aki e reto ta pa sigui “haci loke ta excelente.” (Gal. 6:9) Aunke esaki ta rekerí berdadero esfuerso, bo por hacié. Con?
2 Cultivá e Actitud Mental di Jesus: Mescos cu Jesus, bo por wanta prueba si bo sigui enfocá bo bista riba e speransa di Reino. (Heb. 12:2, 3) Bo por tin sigur cu Jehova stima bo i cu e kier pa bo tin éxito. (2 Ped. 3:9) Pone bo pleno confiansa den dje, cu e siguransa cu lo e yuda bo. (1 Cor. 10:13) Perseverá den oracion pidiendo Jehova p’e yuda bo wanta. (Rom. 12:12) Alegrá den e conviccion cu bo awante lo hiba na un condicion aprobá den bista di Dios. (Rom. 5:3-5) Bo fieldad den cultivá “e mésun actitud mental cu Cristo Jesus tabatin” lo duna bo satisfaccion personal, i lo alegrá Jehova su curason.—Rom. 15:5; Pro. 27:11.
3 Sigui Haci Loke Ta Corecto: Probechá plenamente dje percuracionnan cu Jehova a haci pa su pueblo pa yuda nan sigui haci loke ta excelente. Mantené un bon rutina personal di lesa e Palabra di Dios i studia publicacionnan basá riba Bijbel cu ta bini for dje clase di esclabo fiel i discreto. Sea fiel den prepará pa tur reunion di congregacion i asistí i participá den nan. Promé i despues di reunionnan cristian, asociá estrechamente cu bo rumannan spiritual. Pone metanan realístico pa bo ministerio pa bo por tin un participacion significativo den sirbishi di veld i pa mehorá bo abilidad di presentá e bon nobo na otro hende.
4 Ta asin’akí bo por sigui haci loke ta excelente i na mésun tempu experenciá hopi goso. Relacioná cu esaki, un ruman homber na Italia a bisa: “Ora bira anochi i mi yega cas despues di un dia den e sirbishi di Jehova, ta berdad cu mi ta cansá. Pero mi ta felis, i mi ta gradicí Jehova cu el a duna mi un goso cu niun hende no por kita fo’i mi.” Pues, sigui haci loke ta excelente, i bo tambe lo experenciá gran goso.