Kiko Nos Por Bisa di e Revistanan

E Toren di Vigilansia 1 di Mei

“Den un intento pa mehorá sosiedat humano, algun lider religioso a enbolbé nan mes den polítika. Sin embargo, wak kiko Hesus a hasi ora e hendenan kier a hasié rei. [Lesa Juan 6:15.] Hesus a enfoká riba algu ku lo a trese benefisio duradero pa hende. E revista aki ta splika kiko esei ta.”

Spièrta! 8 di Mei

“Hopi hende ta konfrontá situashonnan difísil na trabou. Tin di nan ta asta ser molestiá dor di nan koleganan. Bo tabata sa ku Beibel tin konseho ku por yuda nos trata ku e problemanan aki? [Permití e persona kontestá. Kaba lesa Proverbionan 15:1.] E revista aki ta duna sugerensianan práktiko pa mantené pas ku otro hende na trabou.”

E Toren di Vigilansia 15 di Mei

“Bo a yega di puntra bo mes si loke hende ta hasi riba tera tin efekto riba Dios? [Permití e persona kontestá.] Wak ki efekto nos akshonnan por tin riba Dios su sintimentunan. [Lesa Proverbionan 27:11.] E revista aki ta konsiderá algun ehèmpel di hendenan ku a hasi Dios su kurason kontentu, i ta splika kon nos tambe por hasi esei.”

¡Despertad! 22 di Mei

“Siensia médiko a hasi progreso remarkabel den su lucha kontra malesa. Pero bo ta kere ku un dia nos lo haña un mundu kompletamente liber di malesa? [Permití e persona kontestá.] E revista aki ta splika ku lo yega un dia ku tur hende lo disfrutá di salú perfekto ora ku e profesia aki kumpli.” Lesa Isaias 33:24.