Kiko Nos Por Bisa di e Revistanan

E Toren di Vigilansia 15 di Des.

“Hopi hende ta preokupá pa e manera komersial ku e temporada di dianan di fiesta a bira. Abo ta kere ku hende a pèrdè for di bista kiko ta su propósito prinsipal? [Permití e persona kontestá.] E revista aki ta analisá kon kustumbernan di dianan di fiesta a kambia atraves di tempu. Tambe e ta konsiderá e manera ku nos realmente por onra Dios i Kristu.” Lesa Juan 17:3.

¡Despertad! 22 di Des.

“Un 85 aña pasá, un epidemia a mata mas hende den 24 siman ku AIDS a mata den 24 aña. Tin hende ta yam’é e pió plaga den historia. Bo a yega di tende di grip spañó òf malu di kabouter? [Permití e persona kontestá.] E revista aki ta analisá si un kos asina lo por bolbe sosodé. Tambe e ta duna nos motibu pa speransa.” Lesa Isaias 33:24.

E Toren di Vigilansia 1 di Yan.

“Hende tin e kapasidat di hasi hopi kos ku ta bon, sin embargo hopi bes nan ta hasi kosnan ku ta sumamente horibel. Bo a yega di puntra bo mes dikon? [Permití e persona kontestá.] E revista aki ta duna e kontesta bíbliko. E ta splika tambe kon al final bon lo triunfá riba malu.” Lesa Romanonan 16:20.

¡Despertad! Yan.

“Bo a yega di puntra bo mes kon mundu lo ta aki 20 òf 30 aña? [Permití e persona kontestá, kaba lesa Salmo 119:105.] Beibel ta lusa e kaminda nos dilanti di manera ku nos por mira kiko tin den futuro. E revista aki ta analisá profesianan ku ta mustra na unda nos ta awor den e koriente di tempu i dikon nos por spera un futuro briante.”