Kiko Nos Por Bisa di e Revistanan

E Toren di Vigilansia 1 di Feb.

“Nos tur tin mester di plaka pa biba. Pero bo no ta di akuerdo ku nos mester tene kuidou ku e peliger ku e teksto di Beibel aki ta menshoná? [Lesa 1 Timoteo 6:10, i permití e persona kontestá.] E Toren di Vigilansia aki ta yuda nos identifiká algun peliger komun ku prosperidat material por trese kuné, i tambe e ta mustra kon nos por evitá nan.”

¡Despertad! Feb.

“Hopi di nos ku tin famia- i amigunan di edat ta puntra nos mes kon nos por yuda nan lucha ku e difikultatnan di behes, no ta bèrdat? [Permití e persona kontestá.] E revista aki ta duna algun sugerensia ku nos por apliká pa hasi e etapa di enbehesimentu mas soportabel. E ta splika tambe kon e profesia aki lo kumpli.” Lesa Jòb 33:25.

E Toren di Vigilansia 15 di Feb.

“Si abo por a skohe un persona pa goberná mundu, ken lo bo a skohe? [Permití e persona kontestá.] E Toren di Vigilansia aki ta konsiderá e evidensianan ku ta mustra ken ta e Mesias, e persona ku Dios a skohe pa goberná mundu. E ta splika tambe kiko gobernashon di e Mesias lo nifiká pa humanidat.” Lesa Isaias 9:6, 7.

¡Despertad! Feb.

“Hende ta adorá hopi dios awe. Sin embargo, wak kiko Hesus a bisa den orashon relashoná ku su Tata selestial. [Lesa Juan 17:3.] Si ta un Dios berdadero so tin, kiko di tur e otro diosnan? [Permití e persona kontestá.] E artíkulo aki ta splika e punto di bista bíbliko.” Hala atenshon na e artíkulo na página 28-9.