Kongreso di Distrito 2008 di Testigunan di Yehova
1 Apòstel Pablo a konsehá e kristiannan hebreo pa nan reuní huntu i animá otro “muchu mas ainda” segun ku nan tabata mira ku e dia tabata yegando serka. (Heb. 10:24, 25) Awor tin mas i mas evidensia ku “e dia” ku Pablo a papia di dje ta hopi serka! P’esei, ku anhelo nos ta spera riba oportunidatnan pa reuní huntu ku nos rumannan pa risibí instrukshon spiritual. Tal instrukshon por sirbi komo guia pa nos durante e “último dianan” aki ku ta birando mas i mas peligroso. (2 Tim. 3:1) Nos lo tin e oportunidat ei na e binidero kongresonan di distrito 2008.
2 Asistí Tur Tres Dia: Nos ta animá bo pa ta presente tur tres dia. Dor di “no laga di asistí na nos mes reunionnan,” nos lo no pèrdè alimento spiritual di sumo importansia. (Heb. 10:25) Kuminsá hasi preparashon mas pronto posibel. Ta bon pa bo informá bo doño di trabou di antemano pa e por hasi kualke areglo nesesario. Si bo yunan tin skol durante e dianan di boso kongreso, notifiká nan maestronan di boso plannan. Laga nan sa ku e kongreso ta un parti regular di boso adorashon. Bo por ta sigur ku Yehova lo bendishoná bo esfuersonan pa pone interesnan di Reino na promé lugá.—Mat. 6:33.
3 Yuda Otro Hende Asistí: Ademas, Pablo a hasi un apelashon na su rumannan pa “konsiderá” otro. (Heb. 10:24) Tin ruman den bo Estudio di Buki di Kongregashon ku tin mester di yudansa pa bai kongreso? Bo por yuda bo studiantenan di Beibel asistí na e kongreso huntu ku bo, asta si ta un dia so nan por bai? Ora bo ta bisa miembronan di bo famia ku no ta Testigu di bo plannan pa bai kongreso, invitá nan pa bai ku bo. Kisas bo esfuersonan amoroso por trese bendishonnan ku bo no a spera.
4 Kon pa Haña Informashon: Tur aña sukursal ta haña un kantidat di yamada di telefòn pa puntra ki dia i na unda tin kongreso. Kasi tur e yamadanan aki ta di rumannan ku a risibí e informashon aki kaba. Nos ta sugerí boso pa, promé ku boso yama sukursal, konsultá ku E Toren di Vigilansia di 1 di mart 2008.
5 Nesesidat Spesial: Si un publikadó di e kongregashon tin mester di yudansa pa haña alohamentu, e Komité di Sirbishi di Kongregashon mester disidí si e publikadó ta kualifiká pa yena un formulario Solisitut pa Alohamentu pa Esnan Ku Tin Nesesidat Spesial.
6 Obranan Bon: Obedensia na Yehova su mandamentu pa reuní huntu pa adorashon ta yuda nos “prosperá.” Mas importante ainda, e ta duna nos oportunidat pa glorifiká Yehova su nòmber. (Isa. 48:17) Pa hopi hende ku ta asistí na e kongresonan, nos “obranan ku ta bon ta asina evidente” ku algun a sinti nan motivá pa ekspresá nan sintimentunan. (1 Tim. 5:25) Den un stat kaminda nos tin vários aña ta tene kongreso, un gerente di hotèl a atmití: “Hopi hende den e stat aki ta papia di Testigunan di Yehova i di loke boso kongresonan ta nifiká pa nos. Nos sa kon boso hendenan ta limpia civic center, i nos ta mira boso ta limpia e parkeerplaats. Ta un plaser pa nos tin boso huntu ku nos durante e temporada di zomer. Nos ta spera ku nos relashon ku boso por sigui pa hopi aña mas.” Despues ku gerente di un hotèl a relatá e difikultatnan ku nan a haña nan kuné ku otro grupo- i artistanan, el a komentá riba e pasenshi i aktitut koperativo ku nos rumannan a demostrá durante nan estadia den e hotèl. El a bisa: “Mare tur nos huéspetnan tabata manera Testigunan di Yehova!” E kondukta di nos rumannan ku a hiba na e komentarionan aki i hopi otronan similar mester ta hasi e kurason di Yehova nos Dios masha kontentu!
7 Hesus a bisa ku nos bida ta dependé di e echo ku nos ta skucha “tur palabra ku ta sali for di boka di Dios.” (Mat. 4:4) Na nos kongresonan anual Yehova ta perkurá “kuminda” spiritual “na su debido tempu,” prepará dor di “e esklabo fiel i prudente.” (Mat. 24:45) Pa prepará i sirbi e bankete spiritual aki ta rekerí hopi trabou. Laga nos demostrá nos gratitut pa Yehova su kuido amoroso dor di ta presente i presta bon atenshon na kada parti riba e programa.
[Study Questions]
1. (a) Dikon e konseho ku Pablo a duna e kristiannan hebreo tin un urgensia spesial awe? (Lesa Hebreonan 10:24 i 25.) (b) Ki oportunidat nos ta bai haña pronto pa apliká Pablo su konseho?
2. (a) Dikon ta asina importante pa asistí na tur e tres dianan di kongreso? (b) Ki preparashonnan nos tin ku kuminsá hasi pa nos por asistí?
3. Den ki maneranan nos lo por mustra konsiderashon pa otro hende?
4. Kon nos por haña informashon tokante fecha- i sitionan di kongreso?
5. Menshoná un rekordatorio relashoná ku e formulario Solisitut pa Alohamentu pa Esnan Ku Tin Nesesidat Spesial.
6. (a) Den ki maneranan nos lo por glorifiká Yehova ora nos ta asistí na nos kongreso? (b) Ki komentarionan personal di hotèl tabatin debí na e bon kondukta di nos rumannan?
7. Kon Mateo 4:4 ta resaltá e importansia di presta bon atenshon na kada parti riba e programa?
[Box on page 3]
Orario di e Programa:
Aruba:
Djabièrnè i Djasabra
9:20 a.m. - 4:55 p.m.
Djadumingu
9:20 a.m. - 4:00 p.m.
[Box on page 4]
Orario di e Programa:
Kòrsou:
Djabièrnè i Djasabra
1:20 a.m. - 8:45 p.m.
Djadumingu
1:20 a.m. - 8:00 p.m.