“Ku Bo Reino Bini”—Un Orashon Ku Miónes di Hende Ta Hasi
Bo a yega di pidi den orashon pa e Reino di Dios bini? Atraves di siglo, miónes di hende a ripití e palabranan: “Ku bo Reino bini.” Dikon nan ta ripití e palabranan akí? Pasobra Hesus a bisa su siguidónan pa pidi pa e Reino di Dios bini.
Na promé instante, Hesus su siguidónan no a komprondé tur loke el a bisa tokante e Reino. Un biaha nan a puntr’é: “Señor, ta awor akí bo ta bai restorá e Reino pa Israel?” Probablemente nan a haña straño ku Hesus no a bisa nan presis na ki tempu e Reino di Dios lo bini. (Echonan 1:6, 7) Akaso esei ke men ku nunka nos no por haña sa na ki tempu e Reino di Dios lo bini? Klaru ku nò.
E edishon akí di E Toren di Vigilansia lo yuda bo haña kontesta pa e siguiente preguntanan:
Dikon nos tin mester di e Reino di Dios?
Ken ta Rei di e Reino di Dios?
Na ki tempu e Reino di Dios lo goberná mundu?
Kiko e Reino di Dios lo logra?
Pakiko skohe pa apoyá e Reino di Dios awor?
Kiko e Reino di Dios ta?