Kiko Nos Por Bisa di e Revistanan

E Toren di Vigilansia 1 di Febrüari

“Hopi hende ta karga speransa di bai shelu ora nan muri. Esei ta algu ku ta atraé bo? [Permití e persona kontestá.] Mira kiko Beibel ta bisa ku lo ta e rekompensa ku mayoria di bon hende lo haña. [Lesa Salmo 37:⁠29.] E revista akí ta mustra kiko Beibel ta bisa tokante ken lo bai shelu i kiko nan lo hasi einan.”

¡Despertad! Febrüari

“Tin hende ta kere den un Kreador, pero otronan ta pensa ku e kreensia ei ta irasonabel pasobra e no ta algu sientífikamente komprobá. Kiko abo ta opiná? [Permití e persona kontestá.] Segun Beibel, berdadero fe ta basá riba evidensia. [Lesa Hebreonan 11:⁠1.] E artíkulo akí ta konsiderá algun evidensia ku ta indiká ku tin un Kreador.” Hala atenshon na e artíkulo ku ta kuminsá na página 22.

E Toren di Vigilansia 1 di Mart

“Bo ta pensa ku Beibel ta e Palabra di Dios òf djis un bon buki? [Permití e persona kontestá.] Wak kiko Beibel mes ta bisa. [Lesa 2 Timoteo 3:​16 i 17.] E revista akí ta trata kon lo bo por tuma un bon desishon den e asuntu akí i dikon esaki ta asina importante.”

¡Despertad! Mart

“Meskos ku mayoria di hende, probablemente abo tambe ta gusta wak e diseñonan bunita ku tin den naturalesa. Bo no ta di akuerdo ku mester tin un diseñadó inteligente ku a traha tur e kosnan ei? [Permití e persona kontestá. Despues lesa Salmo 104:⁠24.] E revista akí ta papia riba algun kos den naturalesa ku tin diseño impreshonante i e ta mustra kiko nos por siña for di nan.”