Algun Sugerensia

Pa Kuminsá Estudio di Beibel Riba e Promé Djasabra di Ougùstùs

“Awendia mayoria di hende tin nan propio religion i hende ta adorá Dios den diferente manera. Segun bo, kiko Dios ta pensa di esei? [Permití e persona kontestá.] Wak kiko Hesus a bisa tokante esaki.” Duna e doño di kas un ehemplar di E Toren di Vigilansia di 1 di ougùstùs i trata huntu kuné e informashon ku tin bou di e promé pregunta na página 28 i lesa por lo ménos un di e tekstonan sitá. Ofres’é e revistanan, i traha afsprak pa bolbe i trata e siguiente pregunta.

E Toren di Vigilansia 1 di Ougùstùs

“Debí ku bida ta asina kòrtiku i yen di problema, hopi hende ta puntra nan mes: ‘Kiko ta e propósito di bida?’ Abo a yega di puntra bo mes esei? [Permití e persona kontestá.] Beibel ta primintí un kambio i ta bisa ku no ta semper bida ta keda asina. [Lesa Revelashon 21:⁠4.] E revista akí ta papia tokante e propósito ku Dios tin pa e tera i ta mustra nos kon nos por haña berdadero propósito den bida for di awor.”

¡Despertad! Ougùstùs

“Lo mi tin gana di sa kiko bo ta pensa di e teksto akí. [Lesa 1 Samuel 16:2⁠3.] E ta bisa nos ku músika tin poder. Abo ta kere ku tin algun kantika ku por tin un mal influensia riba nos? [Permití e persona kontestá.] E revista akí ta splika kon nos por tuma desishonnan sabí ora di skohe músika i kon nos por yuda nos yunan tambe hasi esei.”