Un Bon Manera pa Disfrutá di Kantika di Reino

Pa Dios su sirbidónan, músika ta un bunita regalo di Yehova. (Sant. 1:17) Hopi kongregashon tin kustumber di toka kantika di Reino na un volúmen abou, tantu promé komo despues di reunion. Ora toka e kantikanan akí promé ku reunion kuminsá, nan ta relahá nos i prepará nos mentalmente pa e instrukshonnan ku nos ta bai risibí. Ademas, ora toka esnan mas nobo, nos ta familiarisá ku e melodia i por kanta e kantikanan mas mihó. Toka kantika despues di reunion ta krea un ambiente edifikante pa nos asosiá ku nos rumannan. P’esei, kuerponan di ansiano mester sòru pa e rumannan di zonido toka músika for di Cantemos a Jehová (acompañamiento de piano) tantu promé komo despues di reunion. Nan tin ku hasi sigur ku e volúmen ta moderá i no ta stroba kòmbersashon.