Dos Sèn Pretu

Un manera importante ku nos ta promové interesnan di Reino ta mediante nos kontribushon finansiero na e obra mundial di prediká. Pero kiko si nos no tin hopi sèn?

Na un okashon, Hesus a mira un biuda pober tira un kontribushon di dos sèn pretu den un kaha di plaka di tèmpel. E amor ku e biuda akí tabatin pa Yehova a motiv’é pa tira ‘tur su plaka, tur loke e tabatin pa biba di dje, apesar ku e tabata den nesesidat.’ (Mar. 12:41-44) E echo ku Hesus a trese esaki dilanti ta indiká ku e kontribushon di e biuda tabata di gran balor den bista di Dios. E kristiannan di promé siglo tambe a haña ku tabata un privilegio di por kontribuí finansieramente ku e obra di Reino. Tantu esnan pober komo riku a duna loke nan tabata por. Apòstel Pablo a menshoná den su karta na e korintionan kon e rumannan di Masedonia, apesar “ku nan tabata masha pober,” a keda roga pa “laga nan tambe duna un regalo generoso.”—2 Kor. 8:1-4.

P’esei, si ta “dos sèn pretu” so nos por kontribuí, nos mester kòrda ku karga di tur kunuku ta yena Punda. Nos Tata selestial generoso ta keda kontentu ora nos ta duna di kurason, pasobra “Dios ta stima hende ku ta duna ku alegria.”—2 Kor. 9:7.