Algun Sugerensia

Pa Kuminsá Estudio di Beibel Riba e Promé Djasabra di Aprel

“Nos ta animando nos bisiñanan pa lesa nan Beibel. Pero hopi di nan ta haña ku Beibel ta difísil pa komprondé. Abo tambe ta haña ku ta asina? [Permití e persona kontestá.] Wak kiko e revista akí ta bisa.” Mustra e persona e artíkulo parti patras di e Toren di Vigilansia di 1 di aprel, trata e informashon di e promé pregunta i lesa maske ta un di e tekstonan kuné. Ofres’é e revista i traha un afsprak pa trata e siguiente pregunta.

E Toren di Vigilansia 1 di Aprel

“Nos tur tin problema pa trata kuné. P’esei, algun hende ta puntra nan mes ki sentido bida tin. Kiko abo ta pensa ta e opstákulo di mas grandi pa hiba un bida felis awe? [Permití e persona kontestá.] Beibel ta primintí ku pronto Dios lo kaba ku tur nos problemanan. [Lesa Revelashon 21:4.] E revista akí ta papia tokante e futuro ku ta spera nos i tambe kon nos por tin un bida ku propósito for di awor.”

¡Despertad! Aprel

“Violensia doméstiko ta un fenómeno mundial. Tin hende ta bisa ku loke ta kontribuí na esei ta un hende su kultura, su kriansa i e entretenimentu violento ku e ta wak. Kiko abo ta pensa ta e kousa prinsipal di e problema akí? [Permití e persona kontestá.] Beibel ta mustra kon esposo i esposa mester trata otro. [Lesa Efesionan 5:33.] E revista akí ta analisá algun prinsipio di Beibel ku a salba hopi matrimonio.”