Mustra Hospitalidat i Kompartí “Loke Ta Bon” (Mat. 12:35a)

Pa nos kana riba “e kaminda di hospitalidat,” nos tur mester kompartí “loke ta bon” ku otro hende. (Rom. 12:13) Ansianonan ta tuma inisiativa pa perkurá pa e kongregashon mustra hospitalidat na e oradó bishitante i ta hasi sigur pa kubri su gastu di transpòrt. Pero, kisas nos ta vasilá pa invitá rumannan bin serka nos pasobra nos no gusta pa hende bini nos kas òf nos ta pensa ku nos no tin sufisiente moda. Nos por vense e sintimentu ei si nos sigui e konseho ku Hesus a duna Marta. (Luk. 10:39-42) El a enfatisá ku “e mihó parti” di hospitalidat tabata e kompañerismo i animashon i no un bankete tur afó òf un kas luhoso. Pues, ora nos apliká e konseho akí, nos tur por kompartí “loke ta bon” ku nos rumannan manera e Palabra di Dios ta animá nos pa hasi.—3 Huan 5-8.