Yòb A Keda Fiel Bou di Prueba

Yòb a biba na Uz durante e tempu ku e israelitanan tabata katibu na Egipto. Aunke e no tabata un israelita, e tabata un adoradó fiel di Yehova. E tabatin un famia grandi i tabata hopi riku. Ademas, e tabata un persona prominente den su komunidat, ya ku e tabata un konsehero hopi respetá i un hues hustu. Ademas, e tabata generoso ku hende pober i ku esnan den nesesidat. Yòb tabata un hòmber íntegro.

Yòb a demostrá bon kla ku Yehova tabata e Persona di mas importante den su bida

1:8-11, 22; 2:2-5

• Satanas a mira ku Yòb tabata íntegro. E no a nenga ku Yòb tabata obediente na Yehova; mas bien, el a kuestioná Yòb su motibunan

• Satanas a insinuá ku Yòb a sirbi Yehova pa motibunan egoista

• Pa Satanas proba su akusashon, Yehova a permitié ataká e hòmber fiel ei. Satanas a trese kalamidat den tur aspekto di Yòb su bida

• Ora Satanas a mira ku Yòb a keda fiel, el a kuestioná e integridat di tur hende

• Yòb no a peka ni akusá Dios di nada malu