TESORONAN DI E PALABRA DI DIOS | ISAÍAS 58-62
Proklamá e Aña di Bon Boluntat di Yehova
“E aña di bon boluntat di Yehova” no ta un aña literal
E ta un periodo di tempu den kua Yehova ta duna hende humilde e oportunidat pa aseptá su mensahe di libertat
Den promé siglo, e aña di bon boluntat a kuminsá na aña 29 ora Hesus a kuminsá su sirbishi i a dura te na “e dia di vengansa” di Yehova ku a terminá na aña 70 ora Herúsalèm a ser destruí
Den nos tempu, e aña di bon boluntat a kuminsá na 1914 ora Yehova a hasi Hesus Rei den shelu i lo terminá ku e tribulashon grandi
Yehova ta bendishoná su pueblo ku “eiknan [òf, “palunan grandi,” NW] di hustisia”
Normalmente e palunan di mas haltu na mundu ta krese huntu den mondi grandi, kaminda nan ta sostené otro
Komo ku nan raisnan sa ta mará den otro, nan tin mas chèns di resistí un tormenta
Palunan haltu ta perkurá un sombra pa protehá e palunan mas chikitu, i e blachinan ku ta kai for di e palunan ta nutri e tera
Tur miembro di e kongregashon kristian mundial ta benefisiá di e apoyo i protekshon di e palunan grandi di hustisia, esta, e rumannan ungí ku ainda ta riba tera