Kon pa Mehorá Bo Sirbishi​—Yuda Hende Ku Ta “Dispuesto pa Aseptá e Bèrdat” Bira Disipel

DIKON ESAKI TA IMPORTANTE: Yehova ta laga simia di e bèrdat krese den kurason di hende ku ta “dispuesto pa aseptá e bèrdat ku ta hiba na bida eterno.” (Ech 13:48; 1Ko 3:7) Nos ta traha huntu ku Yehova ora nos ta hasi tur nos esfuerso pa buska hende ku ke apliká loke nan ta siña. (1Ko 9:26) Un studiante di Beibel mester komprondé ku un kristian mester batisá pa haña salbashon. (1Pe 3:21) Pa nos studiantenan di Beibel bira disipel di Hesus, nos tin ku yuda nan hasi kambio den nan bida, prediká i siña hende e bèrdat i dediká nan bida na Yehova.—Mat 28:19, 20.

KON PA HASI ESAKI:

• Kòrda bo studiantenan di Beibel ku nan ta studia pa nan “siña konosé” Yehova i agrad’é.—Hua 17:3

• Yuda nan hasi progreso spiritual i vense opstákulo, manera mal kustumber i mal kompania

• Animá i fortalesé bo studiantenan di Beibel tantu promé komo despues di boutismo.—Ech 14:22

WAK E VIDIO YEHOVA DIOS LO YUDA BO, I KONTESTÁ E SIGUIENTE PREGUNTANAN:

• Dikon algun hende kisas tin miedu di dediká nan bida na Yehova i batisá?

• Kon e ansianonan por yuda e studiantenan di Beibel progresá spiritualmente?

• Kiko Isaías 41:10 ta siña nos di Yehova?

• Menshoná algun kualidat ku lo yuda nos sirbi Yehova apesar ku nos ta imperfekto.