Kiko Nos Por Siña for di Samuel Su Bida?

Samuel a keda fiel na Yehova henter su bida. Komo mucha, e no a permití su mes bira korupto manera Ofni ku Finees, e yu hòmbernan di Elí. (1Sa 2:22-26) Segun ku Samuel tabata krese, Yehova tabata kuné. (1Sa 3:19) Komo adulto, el a sigui sirbi Yehova fielmente, aunke su yu hòmbernan no a hasi esei.—1Sa 8:1-5.

Kiko nos por siña for di e ehèmpel di Samuel? Si bo ta un hóben, bo por tin sigur ku Yehova ta komprondé e difikultatnan ku bo ta enfrentá i kon bo ta sinti. E por yuda bo tin kurashi. (Isa 41:10, 13) Si bo ta un mayor ku tin un yu ku no ta sirbi Yehova, bo por haña konsuelo den e echo ku Samuel no por a fòrsa su yu hòmbernan adulto pa keda leal na Yehova su normanan. El a laga e asuntu den man di Yehova, el a mantené su integridat i a agradá su tata selestial, Yehova. Kisas bo bon ehèmpel por motivá bo yu pa bolbe serka Yehova.

WAK E VIDIO KIKO NOS POR SIÑA FOR DI NAN BIDA?—SAMUEL, I DESPUES KONTESTÁ E SIGUIENTE PREGUNTANAN:

• 

  Kon Samuel a demostrá kurashi komo mucha?

• 

  Kon Danny a demostrá kurashi?

• 

  Kon Samuel a pone un bon ehèmpel komo adulto?

• 

  Kon e mayornan di Danny a pone un bon ehèmpel?