Pone Meta pa e Temporada di Memorial

Tur aña Yehova su pueblo ta ansioso pa por konmemorá e morto di Hesus huntu. Den e simannan promé i despues di Memorial, nos ta probechá di oportunidat spesial pa alabá Yehova i pa yam’é danki pa e regalo di e reskate. (Efe 1:3, 7) Por ehèmpel, nos ta traha duru pa invitá hende pa asistí na Memorial. Algun ruman ta hasi ahuste pa por traha pionero ousiliar durante mart òf aprel. Nan por traha sea 30 òf 50 ora. Abo tin gana di hasi mas den sirbishi durante e temporada di Memorial akí? Kiko por yuda bo hasi esei?

Hopi biaha nos por logra mas ora nos plania adelantá. (Pro 21:5) Komo ku pronto nos lo drenta e temporada di Memorial, awor ta e tempu pa kuminsá traha un plan. Pensa kon bo por hasi mas den sirbishi durante e temporada di Memorial, i wak kiko bo tin ku hasi pa logra bo metanan. Despues, pidi Yehova pa bendishoná bo esfuerso.​—1Hn 5:14, 15.

Kiko ta algun manera ku bo por hasi mas den sirbishi durante e temporada di Memorial?