Studia ku un Mente Habrí

Promé ku bo kuminsá ku bo estudio personal, kisas bo ta puntra bo mes: ‘Ki mi t’ei siña awe?’ Aunke kisas bo tin algu pensá pa siña, tene kuidou pa bo no sera bo mente pa kosnan nobo ku Yehova ke siña bo. Ki por yuda bo studia ku un mente habrí?

Pidi Yehova sabiduria. No keda satisfecho ku loke bo sa kaba. (Pro. 3:​5, 6) Pidi Yehova yuda bo saka afó loke e ke pa bo siña aworakí.—Sant. 1:5.

Laga e poder di Dios su Palabra yuda bo den bo bida. “E palabra di Dios ta bibu.” (Heb. 4:12) Kada biaha ku bo lesa, Dios su “palabra,” e por siña bo algu nobo i yuda bo den diferente manera. Pero esei ta solamente si bo lesa Beibel ku mente habrí.

Kome tur loke tin riba Yehova su mesa. Yehova su siñansa- i konsehonan ta manera “un bankete di kuminda masha dushi.” (Isa. 25:6) Si sierto “kuminda” no ta atraé bo, kome nan tòg. Lo bo saka probecho i lo bo disfrutá di tur loke Yehova ta duna bo!