Wak Bon den Spil

Disipel Santiago a kompará Beibel ku un spil ku ta laga nos wak e hende ku nos ta di paden. (Sant. 1:​22-25) Kon nos por usa e spil ei korektamente?

Les’é ku atenshon. Si nos djis tira bista ariba ariba den spil, kisas nos lo no mira e kosnan ku nos mester drecha. Pa nos mira nan, nos mester wak nos mes bon den spil. Asina tambe nos mester lesa Beibel ku atenshon pa nos por wak kiko nos tin ku traha ariba.

Focus riba bo mes, no riba otro hende. Tin biaha ora bo wak den spil, lo bo por mira otro hende den background. Anto sin ku bo ripará bo ta kuminsá focus riba kosnan ku nan tin ku drecha. Meskos por pasa ora nos ta lesa Beibel. Sin ku nos ripará nos por kuminsá pensa riba loke un otro persona mester traha ariba na lugá di focus riba nos mes. Esei lo no yuda nos.

Sea rasonabel. Si nos wak den spil i keda focus solamente riba loke nos tin ku drecha, esei lo desanimá nos. Pues, nos mester ta rasonabel. Ora nos ta lesa Beibel, nos no mester eksigí mas di nos mes ku loke Yehova ta spera di nos.—Sant. 3:17.