Usa e Plachinan

Nos publikashonnan tin yen di plachi ku ta siña nos puntonan importante. Kon bo por hasi bon uso di e plachinan?

• Promé ku bo lesa un artíkulo, wak su plachinan. Esei por lanta bo kuriosidat i smak pa lesa e artíkulo. Den kaso di un plato sabroso, generalmente nos ta kuminsá kome ku nos wowonan promé. Pues, puntra bo mes: ‘Kiko mi ta mira?’—Ámos 7:​7, 8.

• Segun ku bo ta lesa, puntra bo mes dikon a skohe e plachi ei. Si tin algu skirbí bou di e plachi òf tin un deskripshon, les’é. Purba di mira kiko e plachi tin di haber ku e artíkulo i kiko bo ta siña for di dje.

• Despues ku bo kaba di lesa, usa e plachinan pa repasá e puntonan prinsipal di e artíkulo. For di kabes, visualisá e plachinan i e lès ku bo a siña for di nan.

• Bo a wak e plachinan di e revista akí? Apliká e tepnan ku bo a kaba haña akí, i despues tèst bo memoria.