Kon pa Kòrda Teksto

Kua teksto bo gusta? Kisas bo tin vários. Por ta bo tin algun ku ta konsolá bo, algun ku ta yuda bo bringa kontra mal pensamentu òf algun ku bo gusta kompartí ku otro hende. (Sal. 119:​11, 111) Pero kisas no ta tur ora bo ta kòrda presis ki nan ta bisa òf unda nan ta den Beibel. Ban wak algun tep ku lo yuda ku esei.

• Krea un tag den JW Library^® app. Den e app, krea un tag i dun’é e nòmber “Tekstonan Faborito.” Ora bo ta lesa Beibel anto bo haña un teksto ku bo ke kòrda, hink’é den e tag “Tekstonan Faborito.”

• Pone e teksto kaminda bo por mir’é. Algun ruman ta skirbi e teksto ku nan ke kòrda riba papel anto pon’é na spil òf frishidèr. Tin otro ruman ta saka un potrèt di e teksto anto us’é komo background di nan kòmpiuter, tablet òf telefòn.

• Traha karchi ku teksto ariba pa siña fo’i kabes. Na un banda di e karchi, skirbi e buki, kapítulo i versíkulo. Despues, bòltu e karchi anto skirbi loke e teksto ta bisa. Despues, wak un banda di e karchi anto purba di kòrda ki tin skirbí na e otro banda.