Mas i Mas Hende Ta Sufri di Soledat—Loke Beibel Ta Bisa

Di akuerdo ku un informe mundiala un di kada kuater hende ta sufri di soledat.

• “Sin importá unda un hende ta biba òf ki edat e tin, e por sinti falta di amistat òf kontakto ku otro hende.”​—Chido Mpemba, ko-presidente di Commission on Social Connection di Organisashon Mundial di Salú.

Tin hende ta pensa ku ta solamente hende ku ta biba nan so òf ku ta di edat ta sufri di soledat. Pero asta hende yòn, hende ku tin bon salú, hende ku ta eksitoso den bida i hende kasá por sufri di soledat. Ora un hende no tin kontakto ku otro hende i ta sufri di soledat, esei por afektá su salu físiko i mental.

• Dr. Vivek Murthy, direktor general di salubridat di Merka, a bisa: “Soledat no ta djis afektá kon bo ta sinti. Ora bo no tin sufisiente kontakto ku hende, bo riesgo di muri ta mes grandi ku un hende ku ta huma 15 sigaria pa dia.”

Loke Beibel ta bisa

Nos Kreador no ke pa nos isolá nos mes di otro hende. Dios su propósito semper tabata pa hende disfrutá di bon kompania.

• Prinsipio di Beibel: “Dios a bisa: ‘No ta bon pa e hòmber keda su so.’”​—Génesis 2:18.

Dios ke pa nos tin un amistat kuné. E ta primintí di hala serka nos ora nos hasi esfuerso pa hala serka dje.​—Santiago 4:8.

• Prinsipio di Beibel: “Felis ta esnan ku ta konsiente di nan nesesidat spiritual, ya ku e Reino di shelu ta di nan.”​—Mateo 5:3.

Dios ke pa nos ador’é huntu ku otro hende. Nos lo sinti nos mas felis ora nos hasi esei.

• Prinsipio di Beibel: “Laga nos presta atenshon na otro pa nos por stimulá otro pa mustra amor i hasi bon obra, i no keda sin bai e reunionnan,  . . . sino mas bien animá otro.”​—Hebreonan 10:24, 25.

Pa mas informashon tokante e importansia di lucha kontra soledat, lesa e artíkulo “Soledad en la era de la comunicación.”