Kon Nos Por Ta Felis den e Tempu Insigur Akí?—⁠Kiko Beibel Ta Bisa?

Nos ta bibando den un tempu insigur. Fuera di esei, nos no tin masha kontrol riba loke por pasa ku nos. Bon mirá, nos felisidat ta dependé mas di nos aktitut ku nos sirkunstansianan. Apesar di e problemanan ku hende ta haña nan kuné, Beibel ta mustra ku “hende ku kurason alegre semper ta kontentu.” (Proverbionan 15:15) Kiko nos por hasi pa nos por ta mas felis? Laga nos mira kon Beibel ta yuda nos.

Siña trata ku preokupashon

Beibel ta bisa: “Preokupashon ta deprimí hende, pero palabra animante ta alegrá nan kurason.”—Proverbionan 12:25.

• Beibel por yuda bo evitá di preokupá innesesariamente. Pa haña sa kon bo por hasi esei, lesa e artíkulo na spañó “Loke Beibel Ta Bisa Tokante Preokupashon.”

Kombatí soledat

Beibel ta bisa: “Un berdadero amigu ta stima semper; e ta un ruman ku bo por konta kuné den tempu difísil.”—Proverbionan 17:17.

• Beibel tin konseho ku ta yuda nos kombatí soledat. Pa mas informashon, bo por lesa e artíkulo: “Vense Soledat ku Amistat—Kon Beibel Por Yuda Bo.”

Stima Dios i stima bo próhimo

Beibel ta bisa: “Stima Yehova bo Dios ku henter bo kurason, ku henter bo alma i ku henter bo mente. . . . Stima bo próhimo meskos ku bo mes.”a—Mateo 22:37-39.

• Orashon por yuda nos stima Dios mas i mas. Pa mas informashon, bo por lesa e artíkulo: “Dios Ta Skucha Bo Orashonnan?”

• Un manera ku nos por mustra amor na otro hende ta di kumpli ku loke hende sa yama e Regla di Oro. Haña sa mas den e artíkulo: “Kiko e Regla di Oro Ta?”

Ta masha importante pa nos buska pa sa den ki manera mas Beibel por yuda nos ser felis den e tempu insigur akí? P’esei, nos ta animá bo pa tuma un kurso di Beibel grátis.