Testigunan di Yehova Ta Kere Ku Nan Ta e Úniko Hendenan Ku Lo Haña Salbashon?

Nò. Miónes di hende ku a biba den pasado i ku no tabata Testigu di Yehova lo tin e oportunidat di haña salbashon. Beibel ta splika ku den e mundu nobo ku Dios a primintí, “lo bai tin un resurekshon di tantu hende hustu komo inhustu.” (Echonan 24:15) Ademas, hopi hende ku ta na bida awor por kuminsá sirbi Dios, i nan tambe lo haña salbashon. En todo kaso, no ta keda na nos pa husga ken lo haña salbashon i ken no. Esei ta keda únikamente den man di Hesus.—Huan 5:22, 27.