Testigunan di Yehova Ta Kere den Kreashonismo?

Aunke nos komo Testigu di Yehova ta kere ku Dios a krea tur kos, nos no ta kere den kreashonismo. Dikon nò? Pasobra hopi siñansa di kreashonismo ta kontradesí Beibel. Wak e siguiente dos ehèmpelnan:

1. Kon largu e seis dianan di kreashon tabata? Vários hende ku ta kere den kreashonismo ta pensa ku e seis dianan di kreashon tabata dia literal di 24 ora. Pero den Beibel e palabra “dia” por referí na un periodo muchu mas largu.​—Génesis 2:4; Salmo 90:4.

2. Pa kuantu tempu tera ta eksistí? Vários hende ku ta kere den kreashonismo ta siña ku tera ta apenas algun mil aña bieu. Sinembargo, segun Beibel, nos planeta Tera i e universo a eksistí promé ku e seis dianan di kreashon. (Génesis 1:1) P’esei, Testigunan di Yehova no ta rechasá prueba sientífiko konfiabel ku ta mustra ku probablemente tera ta miónes di aña bieu.

Aunke nos komo Testigunan di Yehova ta kere den kreashon, nos no ta kontra siensia. Nos ta kere ku loke Beibel ta siña ta kuadra ku siensia.