Nota

a E verbo fi·lé·o, ku ta nifiká “sinti kariño pa, stima òf gusta (loke bo por sinti pa un amigu íntimo òf un ruman),” ta ser usá hopi bes den e Skritura Griego Kristian. Un forma di e palabra stor·gé, esta, amor íntimo pa miembronan di famia, ta ser usá na 2 Timoteo 3:3 pa mustra ku den e último dianan e tipo di amor ei lo hasi hopi falta. E palabra é·ros, esta, amor romántiko entre hòmber i muhé, no ta ser usá den e Skritura Griego Kristian, ounke Beibel ta papia di e tipo di amor ei sí.—Proverbionan 5:15-20.