7 “Alma”—Un Kriatura Bibu, Sea Hende òf Bestia; Bida Komo un Persona Inteligente; Otro Uso

**Griego: ψυχή (psikhé); latin: ánima; hebreo: נפש (néfesh)**

Den e Skritura Griego Kristian e palabra griego psikhé ta aparesé su so 102 biaha, kuminsando na Mateo 2:20. Esaki ta inkluí Efesionan 6:6 i Kolosensenan 3:23, kaminda e ta forma parti di e ekspreshon “henter boso alma.” E ta ser usá tambe den hopi palabra kombiná manera na Filipensenan 2:2 i 1 Tesalonisensenan 5:14. E Tradukshon di Mundu Nobo na papiamentu mayoria biaha a tradusí psikhé komo “alma.” Kaminda esei no tabata posibel, nos a agregá un nota na algun versíkulo pa mustra kon a tradusí psikhé segun e konteksto. E método akí ta un gran yudansa pa determiná kon e eskritornan inspirá a usa psikhé i ki karakterístika nan a atribuí na dje.

Den e Skritura Hebreo, e palabra hebreo néfesh ta aparesé 754 biaha, kuminsando na Génesis 1:20. E manera ku a usa e mesun palabra hebreo akí den hopi diferente konteksto ta yuda nos saka afó kiko tabata e idea fundamental ku e palabra a transmití segun ku e eskritornan di Beibel a us’é, esta, ku e ta referí na un persona òf un kriatura inferior; òf e bida ku un persona òf un bestia tin. Esaki ta totalmente diferente for di loke e antiguo egipsio-, babilonio-, griego- i romanonan tabata yama alma den sentido religioso i filosófiko.

Komo un yudansa pa komprondé e vários usonan di “alma,” nos a agrupá bou di vários enkabesamentu e versíkulonan kaminda “alma” ta aparesé.

Bestia ta alma

Revelashon 16:3

Un persona bibu ta un alma

Echonan 2:41, 43; 7:14; 27:37

E alma, esta, e kriatura mes, ta mortal, destruktibel

Mateo 2:20; 10:28, 28; 26:38

Marko 3:4; 14:34