Salmo
Maskil.* Un orashon di David ora ku e tabata den kueba.
142 Mi ta sklama na Yehova pa yudansa.
Mi ta roga Yehova pa miserikòrdia.
2 Mi ta deshogá mi kurason serka dje.
Mi ta kont’é tur loke ta ansha mi
3 ora ku mi ta sinti mi desanimá.*
Anto abo, o Dios, ta protehá mi pasonan.
Kaminda mi ta kana,
mi enemigunan ta pone trampa skondí pa mi.
Mi no por hui bai niun kaminda;
niun hende no ta preokupá pa mi.*
5 O Yehova, mi ta sklama na bo pa yudansa.
Mi ta bisa: “Abo ta mi refugio.
Bo ta tur loke mi tin den bida.”*
6 Por fabor, skucha mi gritu pa yudansa,
pasobra mi ta masha desanimá.
Libra mi for di mi persiguidónan,
pasobra nan ta mas fuerte ku mi.
7 Saka mi* for di e lugá akí ku ta manera un prizòn
pa mi por alabá bo nòmber.
Laga hende hustu alegrá huntu ku mi,
pasobra bo ta trata mi ku bondat.