Awor lo ta bon pa bo lesa Génesis 8:5-17. E kabes di e serunan a aparesé kasi dos luna i mei (73 dia) despues, “den e di dies luna [yüni], riba e promé dia di e luna.” (Génesis 8:5)b Tres luna (90 dia) despues—“den e di seis shent’i un aña [di Noe], den e promé luna, riba e promé dia di e luna,” o sea, meimei di sèptèmber di aña 2369—Noe a kita e tapa di e arka. E por a mira e ora ei ku “e superfisio di suela a seka.” (Génesis 8:13) Un luna i 27 dia (57 dia) despues, “den e di dos luna, riba e di bint’i shete dia di e luna [meimei di novèmber di aña 2369], tera tabata seku.” E ora ei Noe i su famia a sali pafó di e arka riba tera seku. Pues anto, Noe i su famia a pasa un aña lunar i dies dia (370 dia) den e arka.—Génesis 8:14.