Sálomon ta señalá na e importancia di husticia. E ta bisa: “E cosnan balioso di e ricu ta su stad fuerte. E ruina di esnan di condicion humilde ta nan pobresa. E actividad di e hustu ta resultá den bida; e producto di e malbado ta resultá den picá.”—Proverbionan 10:15, 16.

Di otro banda, sea cu un persona hustu tin hopi of poco cos material, su actividad recto ta hiba na bida. Con asina? Wel, e ta contentu cu loke e tin. E no ta permití su situacion financiero interferí den su bon relacion cu Dios. Sea cu un persona hustu ta ricu of pober, e manera cu e ta hiba su bida ta dun’é felicidad awor i speransa pa bida eterno den futuro. (Job 42:10-13) E malbado no ta saca beneficio ni maske e bira ricu. En bes di apreciá e balor protectivo di rikesa i biba di acuerdo cu e boluntad di Dios, e ta usa su rikesa pa promové un bida di picá.