• Kon Nos Por Tuma Bon Desishon?
    Bo Por Disfrutá di Bida pa Semper!—Kurso di Beibel Interaktivo

    • 5. Tene kuenta ku konsenshi di otro hende

      No ta tur hende lo tuma e mes desishonnan. Kon nos por tene kuenta ku konsenshi di otro hende? Laga nos wak dos situashon:

      Situashon 1: Un ruman muhé ku ta gusta usa makiahe ta muda bai un kongregashon unda e ruman muhénan ta sinti nan inkómodo ora nan mira otro hende ku makiahe.

      Lesa Romanonan 15:1 i 1 Korintionan 10:23, 24. Despues, analisá e siguiente preguntanan:

      • A base di e versíkulonan akí, kiko e ruman muhé por disidí di hasi? Kiko abo lo hasi si bo ta ku un persona kende su konsenshi no ta permitié hasi algu ku bo konsenshi sí ta permití bo hasi?

      Situashon 2: Un ruman hòmber sa ku Beibel no ta bisa ku ta malu pa bebe alkohòl na un manera moderá. Pero e ta skohe pa no bebe alkohòl. E ruman hòmber ta haña invitashon pa pasa tempu ku algun ruman i e ta mira nan ta bebe alkohòl.

      Lesa Eklesiástes 7:16 i Romanonan 14:1, 10. Despues, analisá e siguiente preguntanan:

      • A base di e versíkulonan akí, kiko e ruman hòmber por disidí di hasi? Kiko abo lo hasi si bo mira un persona ta hasi algu ku bo konsenshi no ta permití bo hasi?

      Kiko bo mester hasi pa tuma bon desishon?

      Un señora ta hasi orashon.

      1. Hasi orashon. Pidi Yehova yuda bo disidí kiko pa hasi.—Santiago 1:5.

      E mesun señora ta usa kòmpiuter, Beibel i publikashon basá riba Beibel pa hasi investigashon.

      2. Hasi investigashon. Usa Beibel i e publikashonnan basá riba Beibel pa buska informashon i pa haña prinsipio ku por yuda bo. Bo por papia ku ruman ku eksperensia tambe.

      E mesun señora ta pensa.

      3. Pensa riba e resultado di bo desishon. Pensa ki efekto bo desishon lo tin riba bo konsenshi i riba konsenshi di otro hende.