Buki, Buki i Mas Buki!
“Na trahamentu di hopi buki no tin fin,” sabí Rey Sálomon di antigwedad a skirbi. (Eclesiástes 12:12) Durante 1995 rond di un buki nobo a ser publicá na Gran Bretania pa cada 580 hende dje poblacion, haciendo e pais ei lider di mundu den publicacion di buki nobo. China, e pais mas poblá, tabata na di dos lugá cu 92.972 edicion compará cu Gran Bretania su 95.015. A sigui Alemania (67.206 buki), i despues a bini Merca (49.276), siguientemente Francia (41.234). “E motibu principal cu Gran Bretania ta na promé lugá na mundu ta simplemente debí cu ingles ta e idioma mas usá,” segun e corant The Daily Telegraph di Londen.
Informenan ta indicá cu e mercado di benta di buki pa vários aña ta bayendo atras, i awor solamente 80 porciento di adultonan na Gran Bretania ta cumpra un of mas buki pa aña. Pero hende ta lesa tur e bukinan cu nan ta cumpra?
Un buki cu ta sigui ser ampliamente distribuí i tambe lesá ta Bijbel, awor disponibel parcialmente of completo den mas cu 2.120 idioma. Si bo no tin bo mes ehemplar ainda, skirbi e oficina di Sociedad Watch Tower mas cerca di bo cas pa obtené unu. Si bo tin un Bijbel, busk’é i chek e referencianan bíblico cu ta aparecé den e revista aki. Haciendo esei, lo bo descubrí e conocimentu dunadó di bida cu tin den Bijbel.