• Bo Por Bira Amigu di Yehova
    Bo Por Disfrutá di Bida pa Semper!—Kurso di Beibel Interaktivo

    • 5. Loke Yehova ta ferwagt di su amigunan

      Generalmente, nos ta spera sierto kos di nos amigunan.

      • Kon bo ke pa bo amigunan trata bo?

      Lesa 1 Huan 5:3. Despues, analisá e siguiente pregunta:

      • Kiko Yehova ta ferwagt di su amigunan?

      Pa nos obedesé Yehova, kisas nos lo tin ku kambia nos kondukta òf nos personalidat. Lesa Isaías 48:17, 18. Despues, analisá e siguiente pregunta:

      • Dikon Yehova ke pa su amigunan hasi kambio?

      Un persona ku ta traha den konstrukshon ta duna un otro trahadó un hèlm di siguridat.

      Un bon amigu ta interesá den nos bienestar i lo duna nos bon konseho pa bai nos bon. Yehova ta hasi meskos pa su amigunan

  • Kiko Nos Por Hasi pa Mustra Yehova Ku Nos Ta Stim’é?
    Bo Por Disfrutá di Bida pa Semper!—Kurso di Beibel Interaktivo
    • Lès 34. Un hòmber den un stat ta pensa profundamente i ta wak den direkshon di shelu.

      LÈS 34

      Kiko Nos Por Hasi pa Mustra Yehova Ku Nos Ta Stim’é?

      Bo kurso di Beibel a yuda bo stima Dios mas ainda? Lo bo tin gana di hasi bo amistat kuné mas fuerte? Si esei ta e kaso, kòrda ku ora Yehova mira bo amor p’e krese, su amor pa bo tambe lo krese i lo e kuida bo mas ainda. Kon bo por mustra Yehova ku bo ta stim’é?

      1. Kon nos ta mustra Yehova ku nos ta stim’é?

      Nos ta mustra Yehova ku nos ta stim’é ora nos ta obedes’é. (Lesa 1 Huan 5:3.) Yehova no ta obligá ningun hende pa obedes’é. Al kontrario, e ta duna kada un di nos e oportunidat pa skohe si nos ke obedes’é òf nò. Dikon e ta hasi esei? Yehova ke pa nos ta “obediente di kurason.” (Romanonan 6:17) Ku otro palabra, e no ke pa bo obedes’é pasobra bo ta sinti bo obligá pa hasi esei, sino pasobra bo ta stim’é. Sekshon 3 i 4 di e buki akí lo yuda bo mira ku bo por mustra Yehova ku bo ta stim’é ora bo hasi loke ta agrad’é i evitá loke e ta odia.

      2. Dikon por ta difísil pa bo mustra Yehova ku bo ta stim’é?

      Beibel ta bisa: “Un persona hustu ta hañ’é ku hopi difikultat.” (Salmo 34:19) Nos tur ta lucha ku nos propio imperfekshonnan. Ademas, nos tin ku trata ku problema ekonómiko, inhustisia i otro difikultat. Ora nos ta pasa den difikultat, por ta difísil pa hasi loke Yehova ta pidi di nos. Esei ta asina pasobra ta mas fásil pa hasi loke no ta bon ku obedesé Yehova. Pero ora bo konfia den Yehova i hasi loke e ta bisa, bo ta mustr’é ku bo ta stim’é mas ku tur otro kos. Di e manera ei, lo bo mustra ku bo ta leal na dje i Yehova na su turno tambe lo ta leal na bo. Hamas lo e bandoná bo.—Lesa Salmo 4:3.

      KIKO MAS NOS POR SIÑA?

      Laga nos wak dikon Yehova ta bira kontentu ora nos ta obedes’é i kiko por yuda nos keda leal na dje.

      3. Un akusashon ku ta enbolbé bo

      Den e buki Yòb, nos ta mira ku Satanas a lansa un akusashon kontra Yòb i tur otro hende ku ke sirbi Yehova. Lesa Yòb 1:1, 6–2:10. Despues, analisá e siguiente preguntanan:

      • Segun Satanas, pa ki motibu Yòb tabata obedesé Yehova?—Wak Yòb 1:9-11.

      • Ki akusashon Satanas a lansa kontra tur hende, inkluso abo?—Wak Yòb 2:4.

      Lesa Yòb 27:5b. Despues, analisá e siguiente pregunta:

      • Kon Yòb a demostrá ku di bèrdat e tabata stima Yehova?

      Satanas ta desafiá Yehova. E ta kuestioná integridat di Yòb, kende ta yen di blufein. Ademas, e ta kuestioná integridat di un ruman muhé ku ta sirbi Yehova den nos tempu.

      Yòb a demostrá ku e tabata stima Yehova ora el a keda leal na dje

      Nos ta demostrá ku nos ta stima Yehova ora nos keda leal na dje

      4. Hasi Yehova su kurason kontentu

      Lesa Proverbionan 27:11. Despues, analisá e siguiente preguntanan:

      • Kon Yehova ta sinti ora nos hasi loke ta sabí i obedes’é? Dikon Yehova ta sinti asina?

      5. Bo por keda leal na Yehova

      Nos amor pa Yehova ta motivá nos pa papia ku otro hende tokante dje. Ademas, komo ku nos ke ta leal na Yehova, nos lo papia tokante dje asta ora no ta fásil. Pasa e VIDIO. Despues, analisá e siguiente preguntanan:

      VIDIO: Defendé Bo Fe Apesar di Oposishon (5:09)

      • Bo sa haña difísil pa papia ku otro hende tokante Yehova?

      • Den e vidio, kiko a yuda Grayson vense su miedu?

      Ta mas fásil pa nos ta leal na Yehova ora nos ta stima loke e ta stima i odia loke e ta odia. Lesa Salmo 97:10. Despues, analisá e siguiente preguntanan:

      • Si bo pensa riba tur loke bo a siña te ku awor, kiko ta algun kos ku Yehova ta stima i kiko ta algun kos ku e ta odia?

      • Kon bo por siña stima loke ta bon i odia loke ta malu?

      6. Ora nos ta obedesé Yehova, esei ta benefisiá nos

      Semper ta mihó pa nos obedesé Yehova. Lesa Isaías 48:17, 18. Despues, analisá e siguiente preguntanan:

      • Bo ta pensa ku Yehova semper sa loke ta mihó pa nos? Dikon bo ta pensa esei?

      • Kon bo a benefisiá te ku awor di bo kurso di Beibel i di tur loke bo a siña tokante Yehova, e Dios berdadero?

      LOKE HENDE SA BISA: “Dios no ta wòri ku loke mi ta hasi.”

      • Ki teksto bo por usa pa mustra ku loke nos ta hasi por pone Yehova bira kontentu òf tristu?

      RESÚMEN

      Bo por mustra ku bo ta stima Yehova ora bo ta obedes’é i keda leal na dje asta ora ta difísil.

      Repaso

      • Kiko abo a siña for di e ehèmpel di Yòb?

      • Kon lo bo mustra Yehova ku bo ta stim’é?

      • Kiko lo yuda bo keda leal na Yehova?

      Meta

      MAS INFORMASHON INTERESANTE

      Haña sa kon bo por ta leal na Yehova i na e kongregashon.

      “Bo Ta Demostrá Lealtat na Hende Ku Ta Leal na Bo” (na spañó) (16:49)

      Haña sa mas tokante e akusashonnan ku Satanas a lansa kontra hende.

      “Yòb A Keda Fiel na Dios” (Beibel i Su Mensahe, sekshon 6)

      Wak kon mucha tambe por demostrá nan amor pa Yehova.

      Hasi Yehova Kontentu (8:16)

      Kon un hóben ku ta enfrentá preshon di pareu por keda leal na Dios?

      Resistí Preshon di Pareu! (4:00)