8. Kon e Mesias su mes pueblo ta risibié, pero na ken e ta akudí pa husga su logronan?

⁸ Ma no ta asina ku mayoria di e pueblo di Hesus mes ta despresi’é i rechas’é? Sí. Kasi henter e nashon di Israel ta nenga di aseptá Hesus komo e Sirbidó ungí di Dios. (Huan 1:11) Tur loke Hesus logra tempu ku e ta riba tera por parse di masha poko balor pa hende di su tempu, asta insignifikante. Refiriendo na e aparente frakaso aki den su ministerio, e Mesias ta bisa: “Ta pòrnada mi a traha duru. Pa irealidat i banidat mi a gasta mi propio poder.” (Isaías 49:4a) E Mesias no ta hasi e deklarashonnan aki pasobra e ta desanimá. Wak loke e ta bisa awor: “Di bèrdat mi huisio ta ku Yehova, i mi salario ku mi Dios.” (Isaías 49:4b) Esun ku tin ku husga e logronan di e Mesias ta Dios, i no hende.

¹⁰ Awe, tin biaha Hesus su siguidónan por sinti nan desanimá, komo si fuera nan ta traha duru pòrnada. Den algun lugá, e resultadonan di nan ministerio por parse insignifikante na komparashon ku e kantidat di trabou i esfuerso ku nan ta invertí. Tòg, nan ta perseverá den e obra, animá pa e ehèmpel di Hesus. Tambe, e siguiente palabranan di apòstel Pablo ta fortifiká nan: “P’esei, mi rumannan stimá, bira firme, inmovibel, semper teniendo hopi di hasi den e trabou di Señor, sabiendo ku boso labor no ta enbano en relashon ku Señor.”—1 Korintionan 15:58.