⁶ Tur kaminda Huda ta kometé idolatria: bou di palu grandi, den vaye torensial, riba seru, den stat. Pero Yehova ta mira tur esei, i via Isaías, E ta saka na kla kon baho Huda ta: “Riba un seru haltu i elevá bo a pone bo kama. Ei tambe bo a subi pa ofresé sakrifisio. I tras di porta i kozein bo ta pone bo señal pa konmemorá.” (Isaías 57:7, 8a) Riba e lugánan haltu, Huda ta traha su kama di sushedat spiritual, i ei e ta ofresé sakrifisio na diosnan stranhero.a Asta kasnan privá tin ídolo tras di porta i kozein.