¹⁵ Di dos, e homber mes tabata esun corecto. E tabata for dje tribu di Huda i un desendiente di Rey David. (Génesis 49:10; 1 Crónica 17:11-14; compará cu Mateo 1:1-16; Lucas 3:23-31.) Tambe, el a nace na Betlehem, unda hudiu di promé siglo generalmente a comprondé cu tabata e lugá di nacementu designá p’e Mesías.c (Miqueas 5:1 [5:2, NW]; compará cu Mateo 2:4-6; Lucas 2:1-7; Juan 7:42.) Tur esakinan tabata credencialnan importante cu hudiu di Jesus su dia a spera p’e Mesías tin como un medio di identificacion.