Un punto interesante ta ku Revelashon 11:1 i 2 ta konektá e susesonan akí na e periodo ku lo a midi, òf inspekshoná, e tèmpel spiritual. Malakías kapítulo 3 ta menshoná un inspekshon similar di e tèmpel spiritual, siguí pa un periodo di purifikashon. (Mal. 3:1-4) Kon largu e inspekshon i trabou di purifikashon akí a dura? Esei a dura di 1914 te na prinsipio di 1919. E periodo akí a inkluí tantu e 1.260 dia (42 luna) komo e tres dianan i mei simbóliko menshoná den Revelashon kapítulo 11.