-
“Nunka un Hende No A Papia Manera e Hòmber Aki”“Bin, Sigui Mi”
-
-
9 Na un okashon, kobradónan di belasting a puntra Pedro si Hesus a paga belasting di tèmpel.c Mesora Pedro a kontestá: “Sí.” Mas despues, Hesus a rasoná kuné: “Kiko bo ta pensa, Simon? Ken e reinan di tera ta kobra tributo òf belasting: nan yu hòmbernan òf stranheronan?” Pedro a kontestá: “Stranheronan.” Hesus a bis’é: “Kier men e yunan ta liber [di belasting] anto.” (Mateo 17:24-27) Ku e preguntanan aki, Pedro lo mester a komprondé bon kla kiko Hesus tabata kier men, pasobra miembronan di famia real no tabatin ku paga belasting. P’esei, komo e Yu unigénito di e Rei selestial ku tabata ser adorá na e tèmpel, Hesus no tabata obligá di paga belasting. Tuma nota ku en bes di djis bisa Pedro e kontesta korekto, Hesus ku takto a usa pregunta pa yuda Pedro yega na e konklushon korekto i tal bes tambe mira e nesesidat pa otro biaha mihó e pensa bon promé ku e kontestá.
-
-
“Nunka un Hende No A Papia Manera e Hòmber Aki”“Bin, Sigui Mi”
-
-
c Tur aña e hudiunan mester a paga un belasting di tèmpel di dos drakma (mas o ménos dos dia di salario). Un buki di referensia ta bisa: “Nan a usa e belasting aki prinsipalmente pa kubri e gastunan di e sakrifisio kimá di tur dia i di tur e sakrifisionan en general ku tabata ser hasí na fabor di e pueblo.”
-