“Ken Ku Ke Bira Grandi Meimei di Boso Mester Ta Boso Sirbidó”

20:28

E eskriba- i fariseonan tabata hende orguyoso. Nan tabata ke impreshoná otro hende i tabata ke pa hende mira nan komo persona masha importante. (Mat 23:5-7) Hesus tabata diferente for di nan. Beibel ta bisa ku “e Yu di hende no a bini pa ser sirbí, sino pa sirbi.” (Mat 20:28) Awor, kiko di nos? Den nos sirbishi na Dios, nos ta gusta hasi kos pa otro hende mira nos i duna nos elogio? Si nos ke ta importante den bista di Yehova, nos mester imitá Hesus, ta humilde i dispuesto pa sirbi otro hende. Esei ta enbolbé hasi kosnan ku niun hende no ta mira, sino Yehova so. (Mat 6:1-4) Kiko un persona humilde ta dispuesto pa hasi?

• Yuda ku limpiesa i mantenshon di e Salòn di Reino

• Tuma inisiativa pa yuda rumannan di edat i otronan

• Hasi donashon pa sostené e obra mundial