Mayornan, Hasi Tur Loke Ta Posibel pa Yuda Boso Yunan Ta Eksitoso

Tur mayor kristian ta anhelá pa mira nan yunan bira fiel sirbidó di Yehova. Mayornan por yuda nan yunan logra esei si for di chikitu nan hasi esfuerso pa inkulká bèrdatnan bíbliko den kurason di nan yunan. (Deu 6:7; Pro 22:6) Esei ta un sakrifisio grandi? Sigur ku sí! Pero, e ta bale la pena.—3Hn 4.

Mayornan por siña hopi for di Hose ku Maria. Nan “tabatin e kustumber di bai Herúsalèm tur aña pa e Fiesta di Pasku,” aunke esei a eksigí hopi esfuerso i a trese gastu kuné. (Luk 2:41) Pa Hose ku Maria, e kos di mas importante tabata yuda nan famia hala serka Yehova. Asina tambe, mayornan awe por guia nan yunan den e direkshon korekto ora nan ta probechá di tur oportunidat pa siña nan yunan mediante nan palabra i kondukta.—Sal 127:3-5.

WAK E VIDIO NAN A PROBECHÁ DI TUR OPORTUNIDAT, I KONTESTÁ E SIGUIENTE PREGUNTANAN:

• Segun ku Jon ku Sharon Schiller tabata lanta nan yunan, kon nan a pone e Reino na promé lugá den nan bida?

• Dikon mayornan mester disipliná kada yu segun su nesesidat?

• Kon mayornan por yuda nan yunan pa nan ta prepará pa keda fiel bou di prueba?

• Ki publikashon ku e organisashon di Yehova ta perkurá bo ta usa pa yuda bo yu krese den sentido spiritual?