-
“Kico Lo Ta e Señal di Bo Presencia?”E Toren di Vigilansia—1994 | 15 di Febrüari
-
-
16. Lucas 21:24 ta agregá ki aspecto n’e profecia di Jesus, i ki nificacion esaki tin?
16 Si nos compará Mateo 24:15-28 i Marco 13:14-23 cu Lucas 21:20-24, nos ta haña un di dos indicacion cu Jesus su pronóstico a extendé hopi mas ayá cu e destruccion di Jerusalem. Corda cu Lucas so a mencioná pestilencia. Di igual manera, e so a cera e seccion aki cu e palabranan di Jesus: “Jerusalem lo ser trapá p’e nacionnan, te cu e tempu señalá dje nacionnan [“tempu dje paganonan,” Testament Nobo] ta cumplí.”e (Lucas 21:24) E babilóniconan a kita e último rey dje hudiunan na 607 P.E.C., i despues di esei, Jerusalem, representando e Reino di Dios, a ser trapá. (2 Rey 25:1-26; 1 Crónica 29:23; Ezekiel 21:25-27) Na Lucas 21:24, Jesus a indicá cu e situacion lo a sigui den futuro te ora e tempu a yega pa Dios reestablecé un Reino.
-
-
“Kico Lo Ta e Señal di Bo Presencia?”E Toren di Vigilansia—1994 | 15 di Febrüari
-
-
e Hopi hende ta mira den e relato di Lucas un cambio den énfasis despues di Lucas 21:24. Dr. Leon Morris ta skirbi: “Jesus ta sigui papia dje tempu di gentilnan. . . . Na opinion di mayoria escolástico e binimentu dje Yu di hende ta ricibí atencion awor.” Profesor R. Ginns ta skirbi: “E Binimentu dje Yu di Hende—(Mt 24:29-31; Mc 13:24-27). E mencion dje ‘tempu di gentilnan’ ta duna un introduccion n’e tema aki; e perspectiva di [Lucas] ta ser hibá awor mas ayá cu e ruina di Jerusalem n’e futuro.”
f Profesor Walter L. Liefeld ta skirbi: “Ta ciertamente posibel pa asumí cu e pronósticonan di Jesus a incorporá dos fase: (1) e sucesonan di 70 A.D. enbolbiendo e tempel i (2) esnan den futuro lehano, describí den palabranan mas apocalíptico.” E comentario editá pa J. R. Dummelow ta bisa: “Hopi dje dificultadnan mas serio dje gran discurso aki ta desparcé ora bo realisá cu nos Señor a referí den dje no na solamente un suceso pero na dos, i cu e promé tabata típico dje di dos. . . . [Lucas] 21:24 specialmente, cu ta papia di ‘e tempu di gentilnan,’ . . . ta pone un espacio intervalo indefiní entre e caida di Jerusalem i e fin di mundu.”
-