E maldat di Kaifas a sali na kla ora el a bisa e otro lidernan: “Boso no sa nada, ni boso no ta realisá ku ta kumbiní boso pa ún hende muri pa e pueblo, i no ku henter e nashon peresé.” E relato ta sigui: “Ma esaki e no a bisa di su mes, ma siendo sumo saserdote e aña ei, el a profetisá ku Hesus tabata bai muri pa e nashon, i no pa e nashon so, ma tambe pa e por reuní e yunan di Dios ku ta plamá tur parti, hasi nan ún. P’esei for di e dia ei nan tabata plania huntu pa mata [Hesus].”—Juan 11:49-53.

Kaifas no tabata konsiente di kiko su palabranan a nifiká realmente. Pa motibu di su funshon komo sumo saserdote, el a profetisá.b Hesus su morto lo tabata benefisioso—pero no pa e hudiunan so. Su sakrifisio di reskate lo a perkurá e medio pa libra henter humanidat for di sklabitut na piká i morto.