• Stimulá dor di “e Echonan Poderoso di Dios”
    E Toren di Vigilansia—2002 | 1 di Ougùstùs

    • Motivá na Akshon!

      4. Kua profesia di Yoël a kumpli riba dia di Pentekòste di aña 33 di nos era?

      4 Despues ku e disipelnan na Yerúsalèm a risibí spiritu santu, nan no a pèrdè tempu. Nan a kuminsá kompartí e bon nobo di salbashon ku otro hende, kuminsando ku e multitut reuní riba e mainta ei. Nan predikashon a kumpli ku un profesia remarkabel ku profeta Yoël yu di Petuel a skirbi ocho siglo promé: “Lo mi basha mi spiritu riba henter humanidat; i boso yu hòmbernan i yu muhénan lo profetisá, boso ansianonan lo soña soñonan, boso hóbennan lo mira vishonnan. I tambe riba e sirbidónan hòmber i muhé lo mi basha mi spiritu den e dianan ei . . . promé ku e dia grandi i temibel di SEÑOR bin.”—Yoël 1:1; 2:28, 29, 31; Echo. 2:17, 18, 20.

      5. Den ki sentido kristiannan di promé siglo a profetisá? (Mira nota na pia di página.)

      5 Esei a nifiká ku Dios tabata bai lanta henter un generashon di profeta hòmber i muhé, meskos ku David, Yoël i Débora, anto usa nan pa pronostiká kosnan ku lo mester pasa den futuro? Nò. E ‘yu hòmbernan i yu muhénan, i sirbidónan hòmber i muhé’ kristian lo a profetisá, den sentido ku e spiritu di Yehova lo a impulsá nan pa deklará “e echonan poderoso” ku Yehova a hasi, i lo bai hasi. Pues, nan lo a sirbi komo bosero dje Haltísimo.a Pero kon e multitut a reakshoná?—Hebreonan 1:1, 2.