• E dos testigo rebibá
    Revelacion—su gran culminacion ta cerca!

    • 23. (a) Kico a pasa e dos testigo despues di tres dia i mei, i cu cua efecto riba nan enemigo? (b) Na ki tempo Revelacion 11:11, 12 i e profecía di Ezekiel di e suplamento di Jehova riba un valle di wesu secu tabatin un cumplimento den tempo moderno?

      23 Curant a uni cu e clero pa difama e pueblo di Dios, i uno a bisa: “E misterio terminá a termina.” Pero, nada por a ser mas leu for dje berdad! E dos testigo no a keda morto. Nos ta leza: “I despues di tres dia i mei e spiritu di bida di Dios a drenta den nan, i nan a lanta riba nan pia, i un gran miedu a cai riba hende cu a míranan. I nan a tende un boz fuerte biniendo di cielo bísanan: ‘Subi aki ariba.’ I nan a subi na cielo den un nubia, i nan enemigo a míranan.” (Revelacion 11:11, 12) Asina, nan tabatin un experencia similar cu esun di wesu secu den e valle cu Ezekiel a bishita den un vision. Jehova a supla riba tal wesu secu, i nan a bolbe biba, percurando un cuadro di renacimento dje nacion di Israel despues di 70 aña di esclabitud den Babilonia. (Ezekiel 37:1-14) E dos profecía, den Ezekiel i Revelacion, tabatin un notable cumplimento den tempo moderno na 1919, ora Jehova a restora su “difunto” testigonan na bida vibrante.

      24. Ora e dos testigo a bolbe na bida, esei a tene cua efecto riba nan persigidor religioso?

      24 Ki un golpi pa nan persigidor! E cadáver dje dos testigo di ripiente tabata bibo i activo di nobo. Esei tabata un pildo amarga pe clero guli i manda abao, i mas tanto ya cu tal predicador cristian cu nan a conspira pa encarcela tabata liber atrobé, i tabata declará completamente inocente despues. E shok tabatin cu ser asta mas grandi ora, den September di 1919, Studiante di Bijbel a celebra un asamblea na Cedar Point, Ohío, EUA. Ei, J. F. Rutherford, recién librá for di prisón, a conmove delegado ne asamblea cu su discurso “Anunciando e Reino,” basá riba Revelacion 15:2 i Isaías 52:7. E grupo cu Juan a simboliza a cuminza “profetiza” di nobo, of predica públicamente. Nan a sigi bira cada bez mas fuerte, denunciando sin miedu e hipocresía di cristiandad.

  • E dos testigo rebibá
    Revelacion—su gran culminacion ta cerca!

    • c Ripara cu den un examinacion di experencia dje pueblo di Dios ne tempo ei, ta parce cu aunque e 42 luna ta representa tres aña i mei literal, e tres dia i mei no ta representa un periodo literal di 84 ora. Probablemente, e periodo específico di tres dia i mei ta ser mencioná dos bez (den versículo 9 i 11) pa enfatiza cu esei ta solamente un periodo cortíco compará cu e tres aña i mei mes di actividad promé cuné.