Awor bon, Revelashon 20:8 ta papia di “Gòg i Magòg.” Ken e Gòg i Magòg akí ta? Na fin di e 1.000 aña lo tuma lugá un prueba final i lo tin hende ku ta rebeldiá kontra Yehova. Nan lo aktua ku e mesun odio asesino ku ‘Gòg di Magòg,’ e koalishon di nashonnan ku a ataká e pueblo di Dios djis promé ku Armagedon. Pero e resultado pa tur dos grupo di enemigu di Yehova lo ta presis meskos: morto eterno! (Rev. 19:20, 21; 20:9) P’esei, tur kos ta indiká anto ku ta e hendenan ku rebeldiá na final di e 1.000 aña Beibel ta yama “Gòg i Magòg.”